AZƏRBAYCAN RESPUBLİKASI
SALYAN RAYON
İCRA HAKİMİYYƏTİ

Səhiyyə    

  Ümumi məlumat:

          Salyan rayon əhalisinin sağlamlığını qorumaq məqsədi ilə 2020-ci ildə rayonda 6 xəstəxana, 24 həkim , 21 tibb məntəqəsi, Gigiyena və Epidemiologiya Mərkəzi, Təcili və Təxirəsalınmaz Tibbi Yardım Stansiyasi, Respublika Səhiyyə Nazirliyinin Təcili və Təxirəsalınmaz Tibbi Yardım Stansiyasının Salyan Regional Məntəqəsi, Profdezinfeksiya şöbəsi fəaliyyət göstərmişdir. Çarpayıların sayı 503-dür.  Rayonda 237 həkim, 780 orta tibb işçisi çalışmışdır. Salyan rayon əhalisinin hər 10 000 nəfərinə 16.8 həkim, 55.4 orta tibb bacısı düşür.

         Əhalinin sağlamlığının əsas göstəricilərindən biri xəstələnmə hallarından ibarətdir. Belə ki, 2020-ci ildə rayon əhalisi arasında 6510 xəstələnmə halı qeydə alınmışdır. Xəstəliklər arasında qan dövranı sisteminin (531), yoluxucu və parazitar (1025), həzm (430), tənəffüs orqanlarının (913) xəstəlikləri üstünlük təşkil etmişdir.

Mərkəzi Rayon Xəstəxanası:

     İkinci dünya müharibəsi illərində fəaliyyətə başlayan Mərkəzi Xəstəxananın ilk baş həkimi Səməd Manafov (1941-1945) olmuşdur. Rayon Mərkəzi Xəstəxanasının hazırda yerləşdiyi bina 1972 ci ildə istifadəyə verilmişdir. Azərbaycan Respublikasının Prezidenti cənab İlham Əliyevin tapşırığına əsasən Mərkəzi Rayon Xəstəxanası 2008-ci ildə əsaslı təmir edilərək  yenidən qurulmuşdur. Cənab Prezident Xəstəxananın təmirdən sonra açılışında iştirak etmişdir. Xəstəxana müasir tibbi avadanlıq və yeni inventarlarla təchiz edilmişdir. 248 çarpayılılıq 10 şöbədən ( Qəbul şöbəsi, Terapiya şöbəsi - 50 çarpayılılıq, Cərrahiyyə şöbəsi – 35 çarpayılılıq, Yolxucu xəstəliklər şöbəsi – 20 çarpayılılıq, Anestezioloq - Reanimasiya şöbəsi – 18 çarpayılılıq, Kardiologiya şöbəsi – 30 çarpayılılıq, Oftolmologiya şöbəsi - 15 çarpayılılıq, Doğum şöbəsi - 30 çarpayılılıq, Genikologiya şöbəsi – 20 çarpayılılıq, Travmotologiya şöbəsi – 30 çarpayılılıq) ibarətdir. Bundan əlavə Fizioterapiya kabineti, Endoskopiya otağı, Funksional diaqnostika otağı, Kliniki-diaqnostika laboratoriyası, Transfizioloji kabinet, Müalicə bədən-tərbiyəsi otağı, Ultrasəs müayinə otağı, Rentgen otağı, SPİD laboratoriyası, Xəstəxana daxili aptek, Cərrahi əməliyyat otağı, Metodik təşkilat otağı və İntensiv terapiya otağı fəaliyyət göstərir. Mərkəzi rayon Xəstəxanasında 138 həkim, 373 orta tibb işçisi və 349 kiçik və digər  işçi çalışır. Azərbaycan Respublikası Səhiyyə Nazirliyinin 27 sentyabr 2019-cu il tarixli  75 saylı əmrinə əsasən Salyan Mərkəzi Rayon Xəstəxanasının əsasında Salyan Mərkəzi Rayon Xəstəxanası Publik Hüquqi Şəxs yaradılmışdır.

     23 noyabr 2020-ci il tarixdən Ramin Əjdər oğlu Qasımov Publik Hüquqi Şəxsi direktor vəzifəsini icra edir.

     Ünvan : Kürqaraqaşlı kəndi,telefon: (021) 255-47-27,(021) 255 47 64

GEM:

     Salyan rayon Gigiyena və Epidemiologiya Mərkəzi rayon ərazisində yoluxicu xəstəliklərin profilaktikasına dair tədbirləri, vaxtaşırı tibb, təhsil. məktəbəqədər və məktəbdənkənar müəssisələrdə əksepidemik tədbirlərin icrasına, su təchizatı və çirkabların təmizlənməsinə nəzarət etmiş,  mülkiyyət formasından asılı olmayaraq bütün obyektlər üzərində Azərbaycan Respublikası Səhiyyə Nazirliyinin müvafiq əmr və təlimatlarına uyğun Dövlət sanitar xidmətini həyata keçirmişdir.
     Koronavirus (COVID-19) pandemiyasının qarşısının alınması məqsədilə dezinfeksiya işlərinin aparılması üçün Mərkəzdə briqadalar yaradılmış, bu briqadalar lazımi geyim və dezinfeksiyaedici məhlullarla  təmin edilmiş, xəstəlik və təmas mənbələrində, təhsil, səhiyyə, mədəniyyət müəssisələrində, idarə, müəssisə və təşkilatlarda, ticarət. Ictimai-iaşə obyektlərində, bazarlarda, məscidlərdə, əhalinin sıx toplaşdığı məkanlarda, kommunal binalarda. mərkəzi küçələrdə dezinfeksiya işləri aparılmışdır.
    Ərazisi 4905,6 kv.m olmaqla, Mərkəz inzibati və yardımçı binalardan ibarətdir. Bu səhiyyə ocağı II şəhər kateqoriyalı olmaqla 140.782 nəfər Salyan rayonu əhalisinə xidmət edir. GEM-in inzibati binası 2 mərtəbəli, 16 iş otağından ibarətdir. Hazırda Salyan rayon Gigiyena və Epidemiolojiya Mərkəzində 119 nəfər işçi çalışır.
     Mərkəzdə sanitar-gigiyena, epidemioloji şöbələri, parazitoloji, dezinfeksiya bölmələri, sanitariya-gigiyena, bakteriologiya laboratoriyaları fəaliyyət göstərir.
  

      Ünvan: Salyan şəhəri, Q.Səmədov 62 tel: (021) 255-07-27, 255 -55-19, 255-23-73

Birləşmiş Uşaq Xəstəxanası:

     Birləşmiş Uşaq Xəstəxanası 1968-ci ildən fəaliyyətə başlamışdır. 25 çarpayılıqdır. Burada 39 nəfər işçi çalışır.  Xəstəxanada 2 şöbə (Pediatriya şöbəsi, Yenidoğulanlar şöbəsi), Klinik-diaqnostik laboratoriya, Müalicəvi bədən tərbiyəsi və Fizioterapiya kabinetləri var.

        Xəstəxanaya Sabir Kərimov rəhbərlik edir.

        Ünvan: Salyan şəhəri  X.R.Ulutürk küçəsi  4, telefon: (021) 255 23 11, 255 54 11

Uşaq Poliklinikası:

    Salyan şəhərində uşaq əhalisinin sayı 10 min nəfərə çatdığına görə 1973- cü ildə Azərbaycan Respublikası Səhiyyə Nazirliyinin əmri ilə Uşaq Poliklinikası açılıb. 2010-cu ilin martına kimi müstəqil fəaliyyət göstərən poliklinika Uşaq Xəstəxanası ilə birləşdirilmiş və Birləşmiş Uşaq Xəstəxanasının Konsultativ Poliklinika şöbəsi adlandırılmışdır. Poliklinikada 104 nəfər tibb işçisi çalışır. Poliklinika şəhər üzrə 18 yaşına çatmayan  8381 nəfər uşağa xidmət göstərir. Poliklinikada pediatrlarla yanaşı uşaq cərrahı, travmatoloq, kardioloq, allerqoloq, otolarinqoloq, fızioterapevt, stomatoloq fəaliyyət göstərir. Poliklinikanın əsas vəzifəsi uşaqların sağlamlığının keşiyində durmaqla yanaşı, yoluxucu xəstəliklərin qarşısını almaq üçün qoruyucu profilaktiki peyvəndlərin vaxtında aparılmasını təşkil etməkdir.
    2020-ci ildə şəhər üzrə147 uşağa BSJ, 960 uşağa OPV, 332 uşağa HİB, 118 uşağa İPV, 95 uşağa GDT,222 uşağa DT, 435 uşağa QPM peyvəndi aparılmışdır.
    Poliklinika şöbəsinə Minaxanım Hacıyeva rəhbərlik edir.

     Ünvan: Salyan şəhəri T.Davudzadə 133  telefon 021 255 29 45,255 23 87
 

Digər səhiyyə müəssisələri:

        Profdezinfeksiya şöbəsi:

     1937-ci ildə Gigiyena və Epidemiologiya Stansiyasında yaradılmışdır. 1991-ci ildən isə ayrılaraq təsərrüfat hesablı müstəqil təşkilat kimi fəaliyyət göstərir.
     Şöbə rayon ərazisində yerləşən idarə, müəssisə və təşkilatlarda müqavilə əsasında gəmiricilərə qarşı deratizasiya, mikroblara, mikro-orqanizmlərə qarşı dezinfeksiya, ağcaqanad, milçək, qarışqalara qarşı dezinseksiya tədbirlərini həyata keçirir. Şöbənin 4 nəfər işçisi vardır.  

      Profdezinfeksiya şöbəsinin müdiri Həmzə Rzayevdir.

      Ünvanı: Salyan şəhəri Ə.Zeynalov 100

Kənd xəstəxanaları:

  -Qaraçala Qəsəbə Xəstəxanası:

  Qaraçala qəsəbə Xəstəxanası 1983-cü ildə yaradılmışdır. 15 çarpayılılıqdır, 28 nəfər  işçi çalışır. Xəstəxanada terapiya, pediatriya şöbələri fəaliyyət göstərir.
 

Ünvan: Salyan rayonu Qaraçala qəsəbəsi

    -Parça Xələc kənd Sahə xəstəxanası:

    Parça Xələc kənd Sahə Xəstəxanası 1982 ci ildə yaradılmışdır. 15 çarpayılılıqdır, 23 nəfər işçi çalışır. Xəstəxanada pediatriya, terapiya şöbələri fəaliyyət göstərir.

Hazırda səhiyyə müəssisəsinə Fikrət Məlikov rəhbərlik edir.

    Ünvan: Salyan rayonu Parça Xələc kəndi

   -Salyan  rayonlararası Ağciyər Xəstəlikləri xəstəxanası:

  Salyan Rayonlararası Vərəm Əleyhinə Xəstəxana 1939-cu ildən fəaliyyət göstərir. 38 nəfər işçinin çalışdığı tibb müəssisəsi 50 çarpayıdan ibarətdir. Dispanser, Stasionar, Laboratoriya, Rentgen kabinetlərinin fəaliyyət göstərdiyi xəstəxana üçün 2015-ci ildə yeni bina tikilib istifadəyə verilmişdir.

    Salyan Rayonlararası Vərəm Əleyhinə Xəstəxanaya Xanış Abasov rəhbərlik edir.

    -Salyan rayonlararası Psixiatriya Xəstəxanası

    150 çarpayılılıq Salyan rayonlararası Psixiatriya xəstəxanası 1963 cü ildə yaradılıb. 154 nəfər işçisi vardır. 2013-cü ildə xəstəxana üçün 100 yerlik yeni korpus tikilib istifadəyə verilmişdir.

    Xəstəxanaya Allahverdi Bağırov rəhbərlik edir.

    Ünvan: Salyan rayonu Şorsulu kəndi.

Kənd həkim məntəqələri:

      Salyan rayonunda 24 kənd həkim məntəqəsi fəaliyyət göstərir.

• Sarvan kənd həkim məntəqəsi rayon mərkəzindən 13 km aralıda yerləşir. 26 işçi çalışır .
• Marışlı kənd həkim məntəqəsi  9 işçi çalışır.
• Yenikənd kənd həkim məntəqəsi rayon mərkəzindən 20 km aralıda yerləşir, 17 nəfər işçi çalışır.
• Xalac kənd həkim məntəqəsi 11 işçi çalışır.
• Qızılağac kənd həkim məntəqəsi  8 işçi çalışır.
• Şəkərli kənd həkim məntəqəsi  6 işçi çalışır,  2017-ci ildə məntəqə üçün yeni bina tikilmişdir.
• Kürqaraqaşlı kənd həkim məntəqəsi  10 işçi çalışır.
• Çuxanlı kənd həkim məntəqəsi  7 işçi çalışır.
• I Varlı kənd həkim məntəqəsi  5 nəfər işçi çalışır, rayon mərkəzindən 45 km aralıda yerləşir.
• Aşağı Noxudlu kənd həkim məntəqəsi 6 nəfər işçi çalışır,  rayon mərkəzindən 10 km aralıda yerləşir.
• Kərimbəyli kənd həkim məntəqəsi  7 nəfər işçi çalışır.
• Şorsulu kənd həkim məntəqəsi 12 nəfər işçi çalışır, rayondan 25 km aralıda yerləşir.
• Abadkənd kənd həkim məntəqəsi  5 nəfər işçi çalışır.
• Həsənli kənd həkim məntəqəsi 7 nəfər işçi çalışır.
• Yolüstü kənd həkim məntəqəsi  5  nəfər işçi çalışır.
• Xıdırlı kənd həkim məntəqəsi  11 nəfər işçi çalışır, rayon mərkəzindən 50 km aralıda yerləşir.
• Gomuşlu kənd həkim məntəqəsi  7 nəfər işçi çalışır.
• Pambıqkənd həkim məntəqəsi  7 nəfər işçi çalışır.
• Qarabağlı kənd həkim məntəqəsi 10 nəfər işçi çalışır, rayon mərkəzindən 28 km aralıda yerləşir.
• Kürkənd kənd həkim məntəqəsi  5  nəfər işçi çalışır.
• Boranıkənd kənd həkim məntəqəsi  7 nəfər işçi çalışır.
• Şəhərin Babazanlı yaşayış sahəsində yerləşən həkim məntəqəsi 10 nəfər tibb işçisi var.
• Kürsəngi kənd həkim məntəqəsi  11 nəfər işçi çalışır.
• Arbatan kənd həkim məntəqəsi  17 nəfər işçi çalışır.

Kənd Tibb Məntəqələri:

      Salyan kəndlərində hazırda əhaliyə 21 kənd tibb məntəqəsi xidmət göstərir. Bu məntəqələrin hər birində xəstələrə lazımı tibbi yardımlar olunması üçün şərait yaradılıb.

      -Xurşud kənd tibb məntəqəsi  1 nəfər işçi çalışır.
      -Seyidsadıqlı kənd tibb məntəqəsi  2 nəfər işçi çalışır.
     -Qırxçıraq qəsəbə tibb məntəqəsi 1 nəfər işçi çalışır.
     -Xocalı kənd tibb məntəqəsi  1 nəfər işçi çalışır.
     -II Varlı kənd tibb məntəqəsi 1 nəfər  işçi çalışır.
     -Düzənlik kənd tibb məntəqəsi  1 nəfər işçi çalışır.
     -Kolanı kənd tibb məntəqəsi  1  nəfər işçi çalışır.
     -Yeni Uluxanlı kənd tibb məntəqəsi 3 nəfər işçi çalışır .
     -Çadırlı kənd tibb məntəqəsi  3 nəfər işçi çalışır .
     -Arxarası kənd tibb məntəqəsi  3 nəfər işçi çalışır.
     -Pratman Gəncəli kənd tibb məntəqəsi  3 nəfər işçi çalışır.
     -Seydan kənd tibb məntəqəsi 1 nəfər  işçi çalışır.
     -Yuxarı Noxudlu kənd tibb məntəqəsi  1 nəfər işçi çalışır.
     -Ərəbqardaşbəyli kənd tibb məntəqəsi  2 nəfər işçi çalışır.
     -Beştalı kənd tibb məntəqəsi  1 nəfər  işçi çalışır.
     -Quyçu kənd tibb məntəqəsi  3 nəfər işçi çalışır.
     -Bəydili kənd tibb məntəqəsi  1 nəfər işçi çalışır.
     -Dayı kənd tibb məntəqəsi  3 nəfər işçi çalışır.
     -Təzəkənd kənd tibb məntəqəsi  3 nəfər işçi çalışır.
     -Qardili kənd tibb məntəqəsi  3 nəfər  işçi çalışır.
     -Peyk kənd tibb məntəqəsi 3 nəfər işçi çalışır.

Salyandakı tibb müəssisələrinin telefonları:

Salyan səhiyyəsinin inciləri

Əlibəy Hüseynzadə (1864-1940 ) Görkəmli mütəfəkkir, həm də həkim-dermatoloq olub. Onun “Siflis”, “Vəba və mikrobu” adlı əsərləri bu gündə öz dəyərini saxlayır. Türkiyəyə köçən Əlibəy 1910-cu ildən İstanbul Universitetində professor vəzifəsində çalışıb.
     

Aslan Tahirov (1898-1972) Azərbaycan Tibb İnstitutunun Cərrahiyyə fakültəsini bitirib. 1955 -ci ildə doktorluq dissertasiyasını müdafiə edib. 1957- ci ildən Tibb İnstitutunda professor vəzifəsində çalışıb. “Əməkdar həkim”, “Əməkdar elm xadimi” adına layiq görülüb.
   

  Həzrət Səfərov (1896-1966) 1929–cu ildə Azərbaycan Dövlət Tibb İnstitutunu bitirib. 1936-cı ilə qədər Tibb İnstitutunun  biokimya kafedrasında assisent vəzifəsində çalışıb. 1941-ci ildən Azərbaycan Əczaçılıq İnstitutuna rəhbərlik edib. 1960-cı ildə ona əməkdar elm xadimi adı verilib.
      

Zeynalabdin Hüseynov (1900-1969) Paris Dövlət Universitetinin Tibb fakültəsinin Uşaq bölməsinin məzunu olub. 1935-ci ildə N.Nərimanov adına Tibb İnstitutuna dosent vəzifəsinə irəli çəkilmişdir. 1954-cü ildə Respublika Uşaq cəmiyyəti idarə heyətinin sədri seçilmişdir.
       

İmamverdi Axundov (1916-1971) Moskva Dövlət Tibb Universitetini 1940- cı ildə bitirmişdir.1950-ci ildə urologiya üzrə namizədlik dissertasiyası müdafiə etmişdir.
      

Qədəmşah Sadıqov (1921-1966) 1941-ci ildə Azərbaycan Dövlət Tibb İnstitutunu bitirmişdir. 1947-ci ildən Bakı Dövlət Universitetinin hərbi kafedrasına rəhbərlik edib. Fəlsəfə və tibb elmləri namizədi elmi dərəcələrinə layiq görülüb.
     

   Nazim Mollazadə (1924-2006) Azərbaycan Dövlət Tibb İnstitutunun məzunu olub. 1941-ci ildə Azərbaycan Dövlət Həkimləri Təkmilləşdirmə İnstitutunda kafedra müdiri vəzifəsində çalışıb. 1969-cu ildə professor elmi adı alıb. Yüzdən artıq elmi əsərin və monoqrafiyanın müəllifidir. İki dəfə (1960 və 1987) Respublika Ali Sovetinin fəxri fərmanı ilə təltif edilib.
     

   Fikrət Zərgərli (1929–1984) Moskva Tibb İnstitutunu (1949-1953) bitirib. 1976- cı ildən Klinik və Eksperemental Cərrahiyyə Elmi-Tədqiqat İnstitutunun Ürək-Cərrahiyyə şöbəsinə rəhbərlik edib. Fikrət Zərgərli Ürək cərrahiyyəsinin banilərindən biridir. O, yüzlərlə elmi əsər, məqalə və məruzələrin müəllifidir. Fikrət həkim dəfələrlə Almaniya, Bolqarıstan, Yuqoslaviya, Çexoslovakiya, Fransa və s. ölkələrdə “Ürəyin blokadasına” aid mövzularla simpoziumlarda çıxış edib.
      

Əvəzağa Məlikov (1932-2015) 1965-ci ildə Azərbaycan Dövlət Tibb İnstitutunun müalicə profilaktika fakültəsini bitirmişdir. 1971-ci ildən  rayon Mərkəzi Xəstəxanasına 18 il rəhbərlik etmişdir. 1982-ci ildə Azərbaycan Respublikasının əməkdar həkimi adına layiq görülmüş, “Sərbəst düşüncələr işığında” adlı memuar kitabın müəllifi olmuşdur.
  

   Əkrəm Hacıyev (1938) 1960-ci ildə Azərbaycan Dövlət Tibb İnstitutunun Stomatologiya fakültəsini bitirib. 1965-ci ildən Tibb İnstitutunun Stomatologiya kafedrasında assent, 1967 ci ildən dosent vəzifəsində çalışıb. 1973-1978-ci illərdə həmən kafedranın dekanı olub. 1978-ci ildə “SSRİ Səhiyyə ələçısı” nişanı ilə təltif edilib. 25 elmi əsərin, 2 tədris metodik vəsaitin, kəşf və səmərələşdirici təkliflərin müəllifidir.
   

Əvəzağa Həsənov (1942-2014) 1966-cı ildə Azərbaycan Dövlət Tibb İnstitutunun müalicə-profilaktika fakültəsini bitirib. 34 ildən çoxdur. Salyan MRX-nın Tramvatalogiya şöbəsində müdir və həkim vəzifələrində çalışmışdır. “Ali dərəcəli həkim” fəxri adına layiq görülmüş, “Səhiyyə əlaçısı” döş nişanı ilə təltif olunmuşdur.
    

  Məmmədhüseyn Qarayev (1946-2015) 1968- ci ildə Azərbaycan Dövlət Tibb İnstitutunun bitirib. Salyan rayon Tibb məktəbinin direktoru işləyib. 1981-ci ildə Tibb İnstitutunun assisenti, 1992-ci ildən dosent kimi  Respublika Klinik Urologiya Xəstəxanasının Radionuklit diaqnostika- laborotoriyasının elmi rəhbəri vəzifəsində çalışmışdır. O, Respublika Radiommunoloji müayinə metodlarının təməlini qoyanlardan biridir. 30-dan çox elmi məqalənin 14 səmələşdirici təklifin müəllifi olmuşdur.
      

    Rahim Hüseynov (1947) 1970-ci ildə N.Nərimanov adına Azərbaycan Dövlət Tibb İnstitutunun müalicə-profilaktika fakultəsini bitirmişdir.1985-ci ildə namizədlik, 1994-cü ildə doktorluq dissertasiyası müdafiə etmişdir. 1975-ci ildən 1986-cı ilə kimi Azərbaycan Respublikasının Səhiyyə Nazirliyi aparatında  müxtəlif vəzifələrdə fəaliyyət göstərmiş, 1986-cı ildə səhiyyə nazirinin müavini vəzifəsinə təyin olunmuş,1992-1993-cü illərdə Azərbaycan Respublikasının səhiyyə naziri vəzifələrdə çalışmışdır. 1997-ci ildən Beynəlxalq İnformasiya Akademiyasının akademiki elmi dərəcəsi almışdır. Akademik S.Vavilov və akademik Y.Məmmədəliyev adına mükafatların laureatıdır. 100-ə qədər elmi məqalənin və 2 kitabın müəllifidir.

       Sabir Səfərov (1947-2010) 1976-cı ildə Azərbaycan Dövlət Tibb İnstitutunun pediatriya fakültəsini bitirmişdir. 1990- cı ildə dosent adına layiq görülmüşdür. 40-dan artıq elmi əsrin, 2 səmərələşdirici təklifin, bir neçə metodik tövsiyyə və dərs vəsaitlərinin müəllifi olmuşdur. Respublikanın səhiyyə əlaçısı adına layiq görülmüşdür.

        İbrahim Cəfərov (1949) 1972-ci ildə Azərbaycan Dövlət Tibb İnstitutunun müalicə-profilaktika fakültəsini bitirib. 1976-cı ildən Salyan rayon Mərkəzi Xəstəxanasında cərrah kimi işləməyə başlayan İbrahim həkim uğurlu əməliyyatları sayəsində qısa müddətdə Cənub bölgəsində “qızıl əlli” cərrah kimi tanınır. O, 1999-2011- ci illərdə Salyan MRX-a rəhbərlik edib. Ali dərəcəli cərrah həkim, həkim peşəsinin kamil ustası olmaq məqsədilə dəfələrlə keçmiş SSRİ-nın ən səviyyəli Elmi-Tədqiqat İnstitutlarında ixtisas artırma kurslarından keçib, bir neçə xarici ölkələrdə elmi simpozium və konfranslarda iştirak edib.

        Əlixeybər Axundov (1949) 1966-1972-ci illərdə Azərbaycan Dövlət Tibb İnstitutunun müalicə- profilaktika fakultəsində təhsil almışdır. 1972-1974-cü illərdə Qazaxıstanın Baykonur kosmodromunda çalışan hərbçilərin yaşadığı şəhərcikdəki lazaretdə baş həkim işləmişdir.  O, 1986-1992,1994-2008-ci illərdə Salyan Mərkəzi Rayon Xəstəxanasının  nevroloji şöbəsinin müdiri, 1992-1994-cü illərdə  Salyan Mərkəzi Rayon Xəstəxanasının  baş həkimi, 2008-ci ildən 2020-ci ilin sentyabr ayına kimi Mərkəzi Rayon Xəstəxanasının  terapiya şöbəsinin həkim-nevropotoloqu vəzifələrində işləmişdir. “Tərəqqi” medalı, “SSRİ-nin səhiyyə əlaçısı”, ali dərəcəli həkimdir. Respublikamızda tanınmış həkim-nevropotoloqdur.

      Nazim Hüseynov (1952) 1980-cı ildə Azərbaycan Dövlət Tibb İnstitutunun müalicə-profilaktika fakültəsini bitirmişdir.1986-1989-cu illərdə İ.M.Seçenev adına I Moskva Tibb İnstitutunun doktorantı olmuşdur. 1984- cü ildən Tibb elmləri namizədi , 1993-cü ildən Tibb elmləri doktoru, 2006-cı ildən professordur. 38 elmi məqalənin, 2 elmi ixtiranın müəllifidir. Hazırda Əziz Əliyev adına Azərbaycan Dövlət Həkimləri Təkmilləşdirmə İnstitutunun “Qulaq burun-boğaz” xəstəlikləri kafedrasının müdiridir.

        Musa Qəniyev (1954) 1977-ci ildə Azərbaycan Dövlət Tibb İnstitutunun farmakalogiya fakültəsini bitirmişdir. 1985-ci ildə farmakologiya üzrə namizədlik, 1994-cü ildə doktorluq dissertasiyası müdafiə etmiş və tibb elmləri doktoru elmi dərəcəsi almışdır. 1988-1992-ci illərdə əczaçılıq fakultəsində dekan müavini və fakultə dekanı vəzifələrində işləmişdir. 1992-ci ildə Rusiya Federasiyası ТЕА-nın V.V. Zakusov adına ЕТ Farmakologiya institutuna doktoranturaya göndərilmişdir. Doktorantura təhsilini vaxtından əvvəl başa vuraraq, 1997-ci ildə farmakologiya kafedrasına professor seçilmiş, 2000-ci ildən kafedranın müdiridir. 2010-cu ildə “Əməkdar müəllim” fəxri adına layiq görülmüşdür. 150-yə qədər elmi məqalənin, 8 tədris metodik vəsaitin, 2 dərs vəsaitinin, 5 dərsliyin və 2 ixtiranın müəllifidir.
       

     İlham Zərgərli (1955) 1978-ci ildə Azərbaycan Dövlət Tibb İnstitutunun oftalmologiya fakültəsini bitirmişdir. 1986-cı ildə Elmi Tədqiqat Göz Xəstəlikləri İnstitutunun aspiranturasına qəbul olmuş, 1989-cu idə namizədlik dissertasiyasını müdafiə edərək alimlik dərəcəsi almişdır. 12 elmi əsərin və 1 müəlliflik şəhadətnaməsinin müəllifidir. Hazırda Zərifə Əliyeva adına Milli Oftalmologiya Mərkəzində “Gözün zədəsi və təxirəsalınmaz oftalmoloji yardım” şöbəsinin aparıcı elmi işçisi vəzifəsində çalışır. Tibb üzrə fəlsəfə doktorudur.
   

   Elman Ələkbərov (1956) 1979-cu ildə Azərbaycan Dövlət Tibb İnstitutunun müalicə-profilaktika fakültəsini bitirib. 1989- cu ildə namizədlik,2007-ci ildə doktorluq dissertasiyası müdafiə edərək elmi dərəcə alıb. 82 elmi işin, 3 ixtiranın, 2 metodik dərsliyin müəllifidir. Hazırda Azərbaycan Respublikası Səhiyyə Nazirliyi Elmi-Tədqiqat Kardiologiya İnstitutunda miokard infarktı şöbəsinə rəhbərlik edir.
    

   Arif Quliyev (1956) 1979-cı ildə Azərbaycan Dövlət Tibb İnstitutunun bitirib.1989-cu ildə elmlər namizədi alimlik dərəcəsi alıb. 1991-ci ildən Əziz Əliyev adına Həkimləri Təkmilləşdirmə İnstitutunun Daxili Xəstəliklər kafedrasının assisenti vəzifəsində çalışıb. 7 elmi məqalənin müəllifidir. 1991- ci ildən Almaniyanın Ştutqart şəhərində öz tibbi fəaliyyətini davam etdirir.
   

   Elçin Kərimov (1978) 2001-ci ildə Azərbaycan Dövlət Tibb İnstitutunun Müalicə-profilaktika fakultəsini bitirmişdir. Sankt-Peterburqda 2009-cu ildə namizədlik, 2014-cü ildə isə təkrar müdafiə edərək tibb üzrə fəlsəfə doktoru elmi adını almışdır. 11 elmi məqalənin müəllifidir. Hazırda Şirvan şəhər Diaqnostika Müalicə mərkəzində cərrahiyyə şöbəsinin müdiri vəzifəsində çalışır.

      2020-ci ildə rayonda 1398 uşaq doğulmuş , 1 yaşa qədər 2  uşaq ölümü, böyüklər arasında 979 ölüm qeydə alınmışdır. 6415 nəfər stasionar  müalicə almış,  216438 ambulator  müraciət olunmuşdur.  Nigaha daxil olmaq üçün 1082 nəfər müayinə edilmiş, onlardan 29 nəfərdə bir tərəfli, 1 cütlükdə iki tərəfl  talasemiya daşıyıcısı aşkar olunmuşdur.

       Rayonda 48 hemofiliya, 38 talassemiya xəstəsi vardır.
       Hemodializ şöbəsində 43 xəstə müalicə almışdır.
       2020-ci ildə 1349 uşağa BSJ, 1399 uşağa hepatit “B”, 1055 uşağa AGDT, 5415 uşağa OPV, 2482 uşağa QPM, 2938 uşağa PK, 2900 uşağa HİB, 1019 uşağa İPV, 1483 uşağa ADT peyvəndləri aparılmışdır. Azərbaycan Respublikası Səhiyyə Nazirliyinin müvafiq əmrinə əsasən  4600 nəfərə, o cümlədən 1505 nəfər uşağa qrip əleyhinə peyvənd aparılmışdır.
       2020-ci ildə Dövlət Proqramına daxil olan şəkərli diabet, vərəm, xroniki böyrək çatışmazlığı, hemofiliya, talassemiya, onkoloji, eləcə də koronovirus (COVİD-19)  xəstələri  pulsuz olaraq dərman preparatları ilə təmin olunmuşdur. Şəkər xəstələrinə 1705 qlukometr, 8907 test stripləri verilmişdir.
       Qan xəstəliyindən əziyyət çəkən xəstələrə kömək məqsədilə qanvermə aksiyası keçirilmişdir. Bu aksiyada 100 nəfərə yaxın könüllü iştirak etmişdir.
       İl ərzində 107 nəfər həkim və 139 orta tibb işçisi kurslarda olmuş, 17 həkim, 56 orta tibb işçisi sertifikasiya imtahanlarından keçmişdir.
       Azərbaycan Respublikasının Prezidenti cənab İlham Əliyevin Salyan Rayon Mərkəzi Xəstəxanasının Doğum Evinin və Uşaq Xəstəxanasının əsaslı təmiri ilə bağlı tədbirlər haqqında sərəncamına uyğun olaraq əsaslı təmir işləri aparılır.
      Mərkəzi Rayon Xəstəxanasının Yoluxucu xəstəliklər şöbəsi əsaslı təmir olunaraq istifadəyə verilmişdir.