Ulu Öndər Heydər Əliyevin 100 illik yubileyi münasibətilə tədbir keçirilmişdir

Ulu Öndər Heydər Əliyevin 100 illik yubileyi münasibətilə

tədbir keçirilmişdir

  Ulu Öndər Heydər Əliyevin 100 illik yubileyinə həsr olunmuş“Ümummilli Lider Heydər Əliyevin Azərbaycanda aqrar sahənin formalaşmasında rolu” mövzusunda tədbir keçirilmişdir. Salyan Rayon İcra Hakimiyyətinin, YAP rayon təşkilatının və Dövlət Aqrar İnkişaf Mərkəzinin birgə təşkilatçılığı ilə keçirilmiş tədbirdə rayon İcra hakimiyyəti, YAP rayon təşkilatı, Dövlət Aqrar İnkişaf Mərkəzi, kənd təsərrüfatı işçiləri, qeyri-hökumət təşkilatlarının nümayəndələri, ziyalılar və gənclər iştirak etmişdir.

Tədbir iştirakçıları öncə Heydər Əliyev Mərkəzini ziyarət etmiş, Ulu Öndər Heydər Əliyevin həyat və yaradıcılığını əks etdirən fotostendlərlə tanış olmuşlar. Tədbir Salyan şəhər 2 saylı tam orta məktəbin akt zalında davam etdirilmişdir. Tədbirdə Ümummilli Lider Heydər Əliyevin və ölkəmizin ərazi bütövlüyü uğrunda şəhid olmuş vətən övladlarının əziz xatirəsi bir dəqiqəlik sükutla yad edilmiş, “Ümummilli Lider Heydər Əliyevin Azərbaycandaaqrar sahənin formalaşmasında rolu” mövzusunda videoçarx nümayiş etdirilmişdir.

Tədbirdə Salyan Rayon İcra Hakimiyyəti başçısının müavini Rəşad Cəbrayılov, Dövlət Aqrar İnkişaf Mərkəzinin direktoru Tariyel Atamaliyev, YAP rayon təşkilatının sədri Elmar Əhmədov,  Sort-sınaq məntəqəsinin müdiriEyvaz Hüseynov, Heydər Əliyev Mərkəzinin direktoru Nübar Bayramova, fermerlər Emin Mirzəyev və Balaş Əhmədov çıxış etmiş, Ulu Öndər Heydər Əliyevin respublikamızda kənd təsərrüfatının inkişafı istiqamətindəki əvəzedilməz fəaliyyətindən bəhs etmiş, bu gün də bu siyasətin ölkə başçısı cənab İlham Əliyev tərəfindən uğurla davam etdirildiyini qeyd etmişlər.