Salyanda vətəndaşlarla növbəti səyyar görüş təşkil olundu.

Salyanda vətəndaşlarla növbəti səyyar görüş

təşkil olundu.

Salyan Rayon İcra Hakimiyyətinin başçısı Rüstəm Xəlilov rayonun Xələc kənd sakinlərilə növbəti səyyar görüş keçirib. Səyyar görüşdə çıxış edən RİH başçısı son illər Azərbaycan Respublikasının Prezidenti cənab İlham Əliyevin rəhbərliyi altında respublikamızda dövlət səviyyəsində həyata keçirilən sosial-iqtisadi tədbirlər barədə ətraflı danışıb, ölkə başçısının qayğısı ilə görülən bütün işlərin, həyata keçirilən tədbirlərin yalnız bir amala, əhalimizin yaxşı yaşamasına, onların sosial rifahının və həyat səviyyəsinin daha da yüksəlməsinə xidmət etdiyini vurğulayıb. Görüş zamanı sakinlər tərəfindən qaldırılan məsələlər müxtəlif istiqamətləri –məşğulluq imkanları, sosial təminat, abadlıq və digər sahələri əhatə edib. Səsləndirilən müraciətlər diqqətlə qeydə alınıb, bir sıra məsələlərin operativ həlli üçün aidiyyəti qurumlara konkret göstərişlər verilib. Qeyd olunub ki, vətəndaş məmnunluğunun təmin olunması rayon rəhbərliyinin fəaliyyətində əsas prioritetlərdən biridir. Bildirilib ki, keçirilən bu cür görüşlər əhalinin problemlərinin operativ şəkildə həllinə, eyni zamanda yerli icra strukturları ilə sakinlər arasında qarşılıqlı etimadın gücləndirilməsinə xidmət edir. Qəbul zamanı bəzi müraciətlər üzrə dərhal tədbirlər görülməsi üçün tapşırıqlar verilib, əlavə araşdırma tələb edən məsələlər isə nəzarətə götürülərək icra vəziyyətinin mütəmadi izlənəcəyi vurğulanıb.