Salyanda tibb işçilərinin peşə bayramı qeyd olundu.

Salyanda tibb işçilərinin peşə bayramı

qeyd olundu.

“17 İyun-Tibb İşçilərinin Peşə Bayramı Günü” ilə əlaqədar Salyan rayon İcra Hakimiyyətinin başçısı Rüstəm Xəlilov, “Salyan Rayon Mərkəzi Xəstəxanası” Publik Hüquqi Şəxsin direktoru Şirin Səmədova və tibb işçiləri Heydər Əliyev adına parkda Ulu Öndər Heydər Əliyevin abidəsini ziyarət etmiş, önünə gül-çiçək dəstələri düzmüşlər. Daha sonra tədbir Salyan Rayon Mərkəzi Xəstəxanası Publik Hüquqi Şəxsin iclas zalında davam etmişdir.

Tədbirdə Salyan Rayon İcra Hakimiyyəti başçısının müavini Rəşad Cəbrayılov, Yeni Azərbaycan Partiyası (YAP) Salyan Rayon Təşkilatının sədri Elmar Əhmədov, Salyan Rayon Mərkəzi Xəstəxanası Publik Hüquqi Şəxsin direktoru Şirinxanım Səmədova və digər çıxış edənlər tibb işçilərini peşə bayramları münasibətilə təbrik etmiş, onlara bu müqəddəs peşədə yeni nailiyyətlər və əzmkarlıq arzulamışlar. Çıxış edənlər dövlətin tibb sahəsinə göstərdiyi diqqətdən, yeni texnologiyaların tətbiqindən, son illər TƏBİB-in və İcbarı Tibbi Sığortanın yaranması ilə əldə olunan uğurlardan, tibb müəssisələrinin maddi-texniki bazasının gücləndirilməsindən, kadr islahatlarından, respublika səhiyyəsinin dünyanın qabaqcıl ölkələrinin sırasına qoşulmasından və Salyan səhiyyəsinin tarixindən söz açmışlar. Sonda bir qrup səhiyyə işçisi Rayon İcra Hakimiyyəti başçısının Fəxri fərmanı ilə təltif olunublar.