Salyanda 31 Mart – Azərbaycanlıların Soyqırımı Günü dərin hüznlə qeyd olunub.
Salyanda 31 Mart – Azərbaycanlıların Soyqırımı Günü
dərin hüznlə qeyd olunub.
Martın 31-də Azərbaycanlıların Soyqırımı Günü ölkəmizin hər yerində olduğu kimi Salyan rayonunda da qeyd olunub. Salyan Rayon İcra Hakimiyyətinin başçısı Rüstəm Xəlilov, hüquq-muhafizə orqanlarının rəhbərləri, idarə və müəssisələrin və ictimaiyyətin nümayəndələri “31 Mart soyqırım qurbanlarının xatirəsinə ucaldılmış abidə-kompleksi”ni, həmvətənlərimizin soyqırımının qarşısının alınmasında erməni işğalçıları ilə vuruşaraq qəhrəmancasına həlak olmuş türk əsgər və zabitlərinin şəhər qəbristanlığındakı məzarlarını ziyarət edib, önlərinə gül-çiçək dəstələri düzüblər. Xatırladaq ki, 1918-ci ilin martında Bakıda dinc əhaliyə olmazın divan tutan erməni daşnakları çırkin əməllərini Bakı ətrafı ərazilərdə də davam etdirmiş, dəniz yolu ilə Kür çayının mənsəbinə qədər gəlib çıxan erməni-bolşevik quldur dəstələri o vaxtkı Salyan qəzasında, indiki Salyan və Neftçala rayonlarının ərazisində də insan ağlına sığmayan soyqırım törətmişlər.
