Dövlət Gömrük Komitəsinin sədri Salyan şəhərində vətəndaşları qəbul edib.
Dövlət Gömrük Komitəsinin sədri Salyan şəhərində
vətəndaşları qəbul edib.
Dekabrın 13-də Dövlət Gömrük Komitəsinin sədri, gömrük xidməti general-leytenantı Şahin Bağırov Salyan şəhərindəki Heydər Əliyev Mərkəzində Salyan, Biləsuvar və Neftçala rayonlarından olan vətəndaşları qəbul edib. Qəbuldan öncə Salyan RİH başçısı Rüstəm Xəlilov və DGK sədri Şahin Bağırov Salyan şəhərinin mərkəzində Ümummilli Lider Heydər Əliyevin abidəsini ziyarət edərək önünə gül dəstələri düzüblər. Daha sonra Heydər Əliyev Mərkəzində dahi şəxsiyyətin nəsillərə nümunə olan həyat və fəaliyyətini əks etdirən çoxsaylı foto-eksponatlarla, Salyan rayonuna tarixi səfərlərinə dair stendlərlə tanış olublar. Qəbuldan sonra Salyan RİH başçısı Rüstəm Xəlilov və DGK sədri Şahin Bağırov Salyan Olimpiya İdman Kompleksində voleybol idman növü üzrə qızlar arasında keçirilən Şirvan-Salyan region birinciliyinə baxıblar.
