9 may 2015-ci il tarixdə Salyan rayonunda 1941-1945 ci illər müharibəsində qələbənin 70 illik yubileyi münasibətilə tədbir keçirilmişdir.

09 may 2015 | 15:00

Rayon İcra hakimiyyəti başçısı yanında Şuranın üzvləri, idarə, müəssisə, təşkilat rəhbərləri və rayon ictimaiyyətinin nümayəndələri öncə 1941-1945-ci illər müharibəsində həlak olanların xatirəsinə ucaldılmış abidəni ziyarət etmiş, önünə gül-çiçək dəstələri qoymuşlar. Sonra tədbir Həyat şadlıq sarayında davam etmişdir.
Tədbirdə giriş sözü ilə Səfərbərlik və hərbi xidmətə çağırış üzrə dövlət xidmətinin Salyan rayon şöbəsinin rəisi mayor Tural Məmmədov çıxış etmişdir. Daha sonra müharibə veteranı Məhərrəməli Rzayev və rayon Ziyalılar Birliyinin sədri Allahverdi Piriyev çıxış etmişlər. Tədbirdə məktəb şagirdlərinin hazırladığı kompozisiyaya tamaşa edilmiş, ön və arxa cəhbə iştirakçılarının bir qrupuna xatirə medalları təqdim olunmuşdur.
Sonda rayon İcra hakimiyyətinin başçısı Tahir Kərimov 1941-1945-ci illər müharibəsində qələbənin 70 illik yubileyi münasibətilə veteranları təbrik etmişdir.

Keçidlər